მე გადავცურავ ზღვას

რომ ვერ გაფრინდეთ? –მაშინ ზღვას გადავცურავ...
დღეს გამახსენდა... და ბევრი რაღაც გამახსენდა კიდე... ჩემთვის თავისუფლების ეტალონები არიან და არ მინდა ახლა დავწერო ყველაფერი, იმიტომ, რომ ყველა ვერ გაგებს რასაც ვიტყვი... არა, აზრის გამოხატვის არასოდეს შემშინებია, უბრალოდ, ხანდახან არ გინდა შენს სულში ვიღაც აფათურო...მე გადავცურავ ზღვას...


”ირაკლი კოსტავას ძმაკაცის ნაჩუქარი ნამდვილი ჯინსები,რომელსაც მაშინდელ თბილისის ქუჩებში უფროსები თვალს აყოლებდნენ,ხოლო უფრო პატარები ახლოსაც მოდიოდნენ დასაკვირვებლად,თითქმის ერთი წელიწადი ეცვა.თვითკვლელობამდე ერთი დღით ადრე ,გარეცხილი დაუბრუნა პატრონს და სოსოს დაკვირვებული სახის დანახვისას,ყველაფერი ერთი ფრაზით ახსნა:
-მაგრად დავიღალე და თანაც ძალიან მომბეზრდა.
თქვა და ძმაკაცს ბოდიში მოუხადა.სოსოს ეგონა ,რომ ირაკლი ნაჩუქარ ჯინსებს გულისხმობდა ,მაგრამ მეორე დღეს,მისი თვითმკვლელობის ამბავი რომ გაიგო,ყველაფერს მიხვდა.სოსომ ჯერ იფიქრა,რომ ირაკლიმ მათ ყველას აჯობა,მერე კი საკუთარ თავზე გაბრაზდა რომ ვერაფერი იგრძნო ,თუნდაც ერთი დღით ადრე და ბავშვივით იტირა.
ირაკლი კოსტავას დაკრძალვის შემდეგ სოსომ ირაკლის ნაქონ ჯინსებს მარჯვენა მუხლის ზემოთ ცხრათვალა მზე დახატა და ჩაიცვა.სიკვდილამდე არც გაუხდია.”



”-არც კი დავკვირვებივარ თბილისში მზე საიდან ამოდის.
-საერთოდ ცას თუ დაკვირვებიხარ თბილისში?
-ალბათ..
-გახსოვს ბოლოს ცაში როდის აიხედე?
-არა..
-ქალაქების მთავარი მინუსიც ეგაა,ცა არ ჩანს..”

”ღმერთმა ყველაფერი მისა ამ პატარა ქვეყანას,ადამიანებმა კი ამ ქვეყანაში მადლიერების გრძნობა დაკარგეს და თვითონ ღმერთიც დაივიწყეს.”

”-იმ ხალხს ,ახლა რომ პარადებზე დადის,ეკლესიაშიც მსახურად ივლის და პირჯვარსაც ყველგან გადაიწერს სადაც ხალხს და ეკლესიას დაინახვას..
-მერე ,რა არის ამაში ცუდი?-ახლა პაატამ ჰკითხა სოსოს აშკარად გაკვირვებულმა.
-ერთმანეთის დასანახად და მოსატყუებლად,პარადებზე სიარულიც ცუდია და ეკლესიაშიც.”

”-რატომ გაფრენა არ გინდოდათ?
-გაფრენა ყოველთვის მინდოდა,ალაც მინდა და გავფრინდები კიდეც,ოღონდ არა თვითმფრინავით.
...
-რომ ვერ გაფრინდეთ?
-მაშინ ზღვას გადავცურავ.
-რას?
-ზღვას.
-როგორ?
-სიმღერით.
-ხუმრობთ?
-არ ვხუმრობ.
-დაკითხვის ოქმშიც ასე შევიტანოთ?
-კი ბატონო.
-მაინც როგორ ჩავწეროთ?
-სიტყვასიტყვით.
-მაინც როგორ?
-მე გადავცურავ ზღვას...”
(ირკლი ჩარკვანის დაკითხვის მომენტიდან)